Snart mai

Det er kanskje trøyttande å høyre på nytt og på nytt at tida går, men at vi om 2 dagar skriv 1.mai er nesten ikkje til å tru. Skulle vi sakne noko her nede, så er det nettopp den tida som no er heime med vår og og alt som den kjem med.

Denne veka har vore ei ganske "ordinær" veke for oss. Men på tross av at høgsesongen er over, kjem det stadig nye menneske innom. Og det er alltid kjekt. Men elles er dei fleste som no er innom, meir eller mindre fastbuande her.
På besøk med graut på sjukehus i går, møtte vi framleis ein god del nordmenn. Nokre satt og venta på vårt "grautbesøk", og det er jo alltid kjekt å vere venta og velkommen. Vi vert omtrent alltid ønskt hjarteleg velkomne.

I ettermiddag har vi hatt gudsteneste i kapellet på Redmtorist senter med bl.a. dåp av to born (søsken). Eldste-mann (på 3 år) var ikkje heilt "med på notane", men alt kom no vel i hamn til slutt. Ca. 30 stk. til gudsteneste er bra såpass utanfor sesongen. Som vanleg er det kyrkjekaffi med kaffi og vaflar. Det er faktisk berre to gudstenester til vi skal vere der, før vi dreg til Norge.

Forrige blogg var omtrent berre frå den flotte turen vi hadde i forrige veke. Tar med nokre bilde også denne veka frå turen som talar for seg sjølv, bl.a. med fornøgde fruer og herrar.

Ei lita søt jente stilte velvillig opp med den fine kvalpen sin, så vi fekk vi ta bilde. Ho fekk sjølvsagt noko for å vere foto-objekt, og takka og bukka og smilte. Til eksempel for born i Norge!

Å selje varer på market kan vere strevsomt. Har vore i Bangkok og sett Sleeping Budha, men dette var nok ein annan søvn. Som herre, så hund (under bordet).

Tek også med ein annan som sovna på post. Han skulle ta betaling for do-trengande. Ikkje like inspirerande kanskje i 35 grader.

Ha ei god veke!

På stabstur

Dei verste dagane her i Pattaya når det gjeld Sohnkran (vassfestivalen), er 18. og 19.april. Vi stengde likegodt "kjerka" desse dagane, for det hadde truleg ikkje komme folk. Litt stygt sagt, så holde dei seg heime som har vit og forstand. Trafikken er kaotisk og det er vasskrig alle stader.
Vi fekk likevel ei vassbøtte over oss i bath-taxien før vi drog. Farlangane (utlendingane) er visst verst. Når gamle menn står i truser eller badebukser og skyt med kjempestore vasspistolar på kvarandre og på bilar og motorsyklar som passerer, lurer vi litt på kva dei har gått glipp av som born.

Måndag drog vi altså på tur. Vi kunne skrive mange bloggar på turopplevingane, men nøyer oss med å skrive i korte trekk og heller legge ut nokre bilder. Første dag gjekk nordover til Nakhonswan, ca.25 mil nord for Bangkok. Der fekk vi sjå eit heilt spesilielt naturfenomen med millionvis av flaggermus som kom ut av eit fjell (frå store grotter) når sola gjekk ned. Det varte ein halv time før alle var ute. På bilde ser det ut som ein svart orm som bevegar seg bortover.

Andre dag vart ein køyre-etappe austover på Koratplatået til Mukdahan som ligg ved Mekong-elva som er grensa mot Laos.

Tredje dag lurte vi på å reise innom til Laos over elva. Men berre for nokre timar kosta det vel mykje å innløyse både re-entry (for å komme tilbake til Thailand utan å endre på vårt noverande visa) og visa frå laos-immigration. På bilde står vi ved elva med Laos bak oss.
Vi drog (sjølvsagt) også via eit bra stort marked før vi slo oss ned i byen Sisakhet for natta.

Fjerde dagen drog vi innom ein stor nasjonalpark (Khad Phra Wihan). Der spaserte vi gjennom eit stort tempelområde (4 gamle tempel frå ca 900-talet) på Kambodjansk side utan å bli spurt etter verken pass eller visa. Måtte vise at eg vågde sitje på kanten og nyte utsikta bak det siste tempelet på fjellplatået.

Siste natta vart i Buriram før vi drog heim igjen på fredag mange opplevingar rikare. Vi fekk komme inn i heimar, møte thai-familiar, møte kvardagsmenneske, sjå historiske byggverk, utrulege naturfenomen, ete på fine hotell og på restaurantar som vi for nokre månader ikkje ville ha sett foten innom. Men der var kjempegod mat. Med damer i bilen vart det sjølvsagt nokre marknadsbesøk. På siste marknadsbesøket fekk også dei nok. Med nærare 40 grader i skuggen var kjøplysten betrakteleg hemma.

Å ha Manee med som sjåfør og guide, gjorde sjølvsagt sitt til at dette vart spesielt for oss. På bilde ser vi han og kona og dottera på den "berømte" restauranten omtalt like ovanfor.

I går var det på arbeid att med alt som det inneber. Vi merkar at vi hadde godt av desse dagane med påfyll, og eit avbrekk frå Pattaya med alt som høyrer til her.

Ha ei god veke!

Englar i Sanden

Om det er alder eller anna som gjer det: Vekene går fort, spesielt når vi attpåtil har besøk. I skrivande stund er dei nettopp komne trygt heimatt.

Men måndag, på vår fridag, drog vi til Nong Nooch som sagt. Med open taxi (bath-taxi/pick-up med tak) gjennom ei kraftig regnskurd på veg mot parken, var ikkje alle heilt tørre ved framkomst. Men i denne temperaturen er ikkje det farleg med tanke på helsa. Frå parken kunne vi lagt ut mange bilde, bl.a. då Bjørn fekk massasje av ein elefant på elefant-showet. Det vart brukt både snabel og fot. Men eit flott bilde av Hanne Katrine og Ingvild på elefantryggen på tur i parken og dei ferierande trygt plassert på nokre steinar, tar vi med.

Parken er ganske stor og har mange ulike ting å oppleve. Det jobbar ca.1000 menneske i denne parken. Det seier litt om dimensjonane. Dette vart nok 3. og siste gong i denne parken for oss.

Elles lyt vi gje melding om at endeleg er både englar og sand på plass att i Pattaya. For dei av dykk som såg på bloggen rundt jul/nyttårs-tider, observerte truleg at det hadde oppstått nokre underlege fenomen som hadde hindra oss å få teke bilde av desse englane. Men her er dei!

Torsdag vart det også tid til eit øy-besøk (på Kho Larn). Sola var mykje gøymd bak eit skylag. men det hindra oss frå å bli for brende. For sola er veldig sterk no. Nydeleg badestrand og klårt, varmt vatn. Men på fredag kveld var det igjen tid for avskjed etter flotte dagar. Manee kjørte oss til Suwarnabhumi Airport der vi måtte sei takk for no og på gjennsyn.

I dag har Anne Grete og eg ansvaret på kyrkja. Merkar at høgsesongen er over, men det er framleis ein god del som stikk innom.

Ha ei god veke!

Påske i Pattaya

Heime høyrer vi at det lavar ned med snø i dag på påskedag. Her vakna vi til 29 grader og 6-7 betongbilar og pumpebil som skulle støype eit søylefundament på den nye blokka rett framfor der vi bur i. Fundamentet trong sikkert 200 m3 massiv betong (som ein stor klosse). Så ulikt kan det vere. Men påskedagen sin glade bodskap gjeld likegodt enten det er slik eller slik.

I dag har vi hatt ei flott gudsteneste på "kjerka" med 45 stk. tilstades. Sigve Vidnes, som skal heim saman med familien etter mange års teneste i NMS (Norsk Misjonsselskap) her i Thailand, deltok med song som gledde oss alle. Han var sommarvikar nokre veker her ved sjømannskyrkja sist sommar.

Elles har veka vore fyllt av mange ulike hendingar. På tirsdag var eg saman med nokre andre på kremasjon av ein nordmann på buddistvis. Presten vår hadde ein båreandakt som mange familiar heime også har før ei gravferd. Deretter skulle buddistmunkane ha sin sermoni før vi følgde båra heilt fram og sette den på plass i omnen, og vi såg det tok fyr. Her i Thailand må munkane alltid vere tilstades og ha sin sermoni når ein død person skal kremerast, uannsett kva tru vedkommande har bekjent seg til. Og dei skal ha si betaling sjølvsagt for det. Gravferd skulle vere i Norge seinare.

Skjærtorsdag hadde vi familie-/barnegudsteneste, og husmor stillte med norsk kveldsmatbuffè. Anne Grete hadde laga nydelege ferske bollar som mange syns sette ein ekstra spiss på måltidet.

Elles har veka sjølvsagt vore prega av hyggeleg besøk heimefrå. Sjølv om vi har hatt jobb å skjøtte, så har vi fått tid til både å nyte mat saman og bade.(og godsaker/ søtsaker på "Svendens") Dessutan har det også blitt nokre skreddarbesøk. Nesten ikkje til å unngå i ein by med 300 skreddarar som kjempar om kundane.

I morgon er det fridag og vi skal alle til den flotte blomterparken Nong Noch litt sør for Pattaya. Der kan vi bruke heile dagen og oppleve og sjå mykje.

Ha fortsatt god påske og ei god veke!

Flytting, litt kaos og nytt besøk

Bloggen denne veka vert til i siste liten. Er nett kommen att frå Bangkok der vi har hatt to dagar saman med Bjørn og familien.

Men veka starta med opptrapping mot det som skulle skje torsdag og fredag då vi skulle flytte til den nye sjømannskyrkja (ikkje så langt unna). Over 30 frivillege (nokre med pickupar) kom for å ta eit tak. Var tøft nok å administrere ei stund. Men det gjekk betre enn venta. Torsdag litt etter lunch var alt komme til den nye kyrkja, unnateke det som høyrde til i skåpa på kjøkkenet. Det måtte vi vente til fredag med fordi ikkje alt var heilt klart på det nye. Laurdag veit vi at det vart servert laurdagsgraut på "kjerka", men utan vår deltaking. Vi drog til Bangkok fredag etter lunch for å møte Bjørn, Judith, Hanne Katrine og Ingvild.

Har hatt ei fin helg saman både på sight-seeing, river-cruise, shopping, ved måltid og i basseng. Legg (på bilde)merke til restaurantbesøk der ikkje ein einaste stol var lik. Bjørn syns vi "tok kaka" med tanke på stol. Restauranten låg i ein "bakgård" av den såkalla "Back-packer street", og hadde god mat for svoltne munnar.

Men Bangkok er stort og berre ein bitte liten del er sjanse å få med på par dagar, men likevel eit inntrykk av pulsen i denne spesielle byen. Vi ser fram til fine dagar sammen sjølv om Anne Grete og eg skal jobbe som vanleg denne veka, påskeveka.

Ha ei god veke og ei velsigna påskehelg!